Philippine E-Journals

Ang Prusisyon Tuwing Semana Santa sa Lungsod ng San Pablo City, bilang Assemblage

Princess Gissel Servo

Discipline: Cultural Studies

 

Abstract:

Layunin ng pag-aaral na ito na mailahad ang makasaysayang paraan ng pagdiriwang ng prusisyon sa lungsod ng San Pablo tuwing Semana Santa. Ang mga sumusunod na suliranin ang tinangkang sagutin ng mananaliksik ukol sa prusisyon na idinaraos taon-taon sa bayang ito; Ang pangunahing suliranin ng papel na ito ay paano nabuo ang assemblage sa pagsasagawa ng prusisyon sa lungsod ng San Pablo? Ang pangunahing suliranin na ito ay nahati sa mga sumusunod na tiyak na suliranin: (1) Bakit nabuo ang assemblage? ; (2) Ano ang naratibo ng assemblage sa bayan ng San Pablo sa mga sumusunod: pagkasunog, pagkakahati, at muling pagbuo? ; (3) Paano kumakatawan ang assemblage sa kultura at pananampalataya ng mga taga-San Pablo?. Sa pagbuo ng papel na ito, ginamit sa pag-aaral ang assemblage sa konsepto nina Deleuze at Guattari upang mailahad ayon sa pagkakasunodsunod ang mahahalagang kuwento sa likod ng pagdiriwang. At para mapagtagumpayan ang pag-aaral na ito, nagkaroon ng pakikipanayam ang mananaliksik sa mga mahahalagang tao na nasa likod ng pagdiriwang na ito, nagsimula sa mga tao sa simbahan, sumunod ay ang isang pribadong samahan na nagsasagawa rin ng prusisyon sa bayang ito na kilala sa tawag na Samahan ng Mahal na Pasyon at ang panghuli ay ilang mga deboto na nagmamay-ari ng mga imahen na isinasama sa nasabing okasyon.