Karl Christian C. Aldovino | Mika R. De Leon | Raizel L. Capuso
Discipline: Teacher Training
Ang pag-aaral na ito ay naglalayong tukuyin ang kasalukuyang kalagayang propesyunal at empleyo ng mga nagsipagtapos, alamin ang lebel ng kasiyahan sa kasalukuyang trabaho ng mga nagsipagtapos, alamin ang mga salik sa pag-alis at hindi pagtratrabaho ng mga nagsipagtapos at tukuyin ang mga kasanayan at kaalaman na natutuhan sa PnC na kagamit- gamit sa trabaho. Ang pag-aaral na ito ay gumamit ng naglalarawang pagsisiyasat na sumasaklaw sa Kalagayang Propesyunal at Empleyo ng mga nagsipagtapos ng Kolehiyo ng Pagtuturo na Nagpapakadalubhasa sa Filipino sa Pamantasan ng Cabuyao noong Taong Panuruan 2018, 2019 at 2020. Ito ay bahagi ng isang pagsusuri sa mga produkto o mga nagsipagtapos na nagtaguyod ng pagiging epektibo ng kurikulum, may kaugnayan, at pagiging sapat sa pamamagitan ng pagsusuri kung gaano kahusay ang nakamit ng mga nagtapos sa mga layunin ng programa. Ang nakalap na impormasyon ay binibigyang kahulugan upang makabuo ng lagom, konklusyon at mga rekomendasyon.